O blog do BNG de Gondomar muda o seu enderezo
Para continuar acompañando o noso traballo, visítanos no noso novo fogar dixital no enderezo http://www.bng-galiza.org/gondomar
23/09/12
14/09/12
Representación ilexítima de Gondomar nas mancomunidades
Máis consecuencias nefastas da usurpación das actas
O BNG de Gondomar denuncia que, unha vez máis, a apropiación das actas do BNG por parte dos concelleiros que abandonaron a organización prexudicou aos gondomarenses ao privalos da representación nas Mancomunidades de Vigo e do Val Miñor que eles outorgaron nas urnas a cada formación política.
No pleno celebrado onte en Gondomar, aprobouse unha proposta para nomear o representante de Iniciativa por Gondomar como concelleiro nas Mancomunidades de Vigo e do Val Miñor. Deste xeito o pobo de Gondomar non estará representado neses organismos de acordo cos resultados electorais dos que se derivaba que esa representación lle corresponde ao BNG.
O feito de que as persoas que abandonaron o BNG non entregaran as actas, tal e como está establecido estatutariamente no BNG e eles coñecían, e tal e como lles foi reclamado, priva ao BNG, e a todas as persoas que no seu día o apoiaron, da representación que lexitimamente lle corresponde nos plenos das mancomunidades de Vigo e o Val Miñor.
O BNG denuncia que a usurpación das actas obtidas nas eleccións municipais prexudica o BNG en canto á representación que lle corresponde e vulnera o espírito do voto do electorado, pois o resultado final é que a representación de Gondomar nestas dúas mancomunidades non se axusta ao resultado das eleccións municipais en Gondomar.
Desde o BNG tamén queremos sinalar que esta non é unha consecuencia sobrevida, senón que é unha consecuencia previsíbel e coñecida por todas as partes.
A nova nos medios:
29/08/12
Ningunha homenaxe a Fraga
O BNG de Gondomar únese á protesta contra a concesión da Medalla de Ouro do Concello de Baiona a Fraga
Unha delegación do BNG de Gondomar participou xunto con Galiza Nova na protesta cidadá que tivo lugar hoxe en Baiona contra a concesión da Medalla de Ouro deste concello a Manuel Fraga.
A nova nos medios:
21/08/12
Por un Gondomar limpo
O BNG esixe que o Concello manteña limpa a vila de Gondomar e as parroquias
O BNG de Gondomar presentou no Concello unha emenda á Ordenanza fiscal reguladora da taxa pola recollida do lixo, de acordo co período de información pública aos efectos de reclamacións e suxestións.
De acordo co xa manifestado publicamente polo BNG despois da aprobación da Taxa do lixo polo Pleno do Concello de Gondomar o pasado día 5 de xullo, a emenda presentada emana da consideración da actual situación de crise económica e da comprobación da dotación de contedores de lixo de Gondomar. Na súa emenda o BNG propón:
De acordo co xa manifestado publicamente polo BNG despois da aprobación da Taxa do lixo polo Pleno do Concello de Gondomar o pasado día 5 de xullo, a emenda presentada emana da consideración da actual situación de crise económica e da comprobación da dotación de contedores de lixo de Gondomar. Na súa emenda o BNG propón:
1. Que se recolla o fraccionamento do pago da taxa do lixo.
2. Que se apliquen tarifas reducidas nas vivendas con todos os seus membros no desemprego, establecendo unha cota simbólica.
3. Que se recolla a realización dunha campaña de información.
4. Que se recolla unha periodización en prazos para o aboamento da débeda cando se produza un impago.
5. Que se estableza unha dotación mínima de contedores de diferentes tipoloxías. Todas as parroquias deberán contar cun mínimo de dúas illas de contedores de todos os tipos: orgánico, plástico, papel, vidro, aceite, pillas. Nestas illas tamén se habilitará unha zona para restos vexetais e os inertes que se especifiquen, para o que se establecerá un calendario de depósito e recollida que estará debidamente anunciado na zona.
En relación con isto último o BNG quere chamar a atención do goberno municipal sobre o abandono dalgúns puntos tanto na vila, como nas parroquias. Calquera día pódese comprobar a falta de regularidade na limpeza de papeleiras e contedores, e así as e os veciños de Gondomar atopamos lixo ao redor destas papeleiras que non foron baldeiradas, ou dos contedores. Cómpre chamar a atención sobre o feito de que non hai suficientes contedores de vidro, pois en moitos casos atopamos vidro ao pé do colectores habituais verdes e amarelos, ou que non está debidamente regulado e con coñecemento da cidadanía o depósito e recollida de restos vexetais e inertes. De aí a importancia do sinalado na emenda á ordenanza.
O BNG de Gondomar lémbralle ao concello que a xestión do lixo non consiste en establecer unha taxa recadatoria, senón en xestionar debidamente a recollida, garantindo que sexa unha recollida selectiva e procurando a limpeza de papeleiras e contedores, e ese traballo correspóndelle ao Concello que non o está a realizar como sería preceptivo e todos e todas podemos ver.
A nova na prensa:
03/08/12
En defensa dos dereitos laborais do persoal do Concello
O BNG de Gondomar presentou no rexistro do Concello unha moción para reclamar que o Pleno do Concello rexeite impor ás empregadas e aos empregados públicos, particularmente os vinculados aos concellos, novas perdas de poder adquisitivo e de deterioro das súas condicións de traballo.
Na moción presentada o BNG propón que o Pleno tome o seguinte acordo:
1. Manifestar o rexeitamento da Corporación municipal ás medidas reguladas polo Real Decreto-Lei 20/2012, do 13 de xullo.
2. Rexeitar a decisión de impor ás empregadas e aos empregados públicos, particularmente os vinculados aos concellos, novas perdas de poder adquisitivo, que terán un efecto indirecto sobre o consumo no concello e no tecido económico local.
3. Compensar a perda do poder adquisitivo das empregadas e dos empregados públicos municipais, instando á Alcaldía e á Xunta de Goberno Local a que adopte as medidas necesarias para atinxir ese obxectivo.
O BNG entende que as decisións adoptadas polo Goberno central en materia de política económica están a provocar un agravamento da crise económica. A obsesión por dar unha prioridade absoluta á contención do gasto público, seguindo sen matices os ditados emanados polo FMI, o BCE ou a UE, cada vez máis pregados aos intereses do capital financeiro transnacional, ocasionan tanto unha continua perda de empregos como un empeoramento das condicións de vida das persoas que manteñen o seu emprego.
Até o de agora, o “programa de reformas” executado polo PP só deu como resultados máis desemprego, unha caída no consumo e na actividade económica, e un maior estancamento do crédito ás persoas emprendedoras, empresas e familias. Ningún sector económico é alleo nestes momentos á crise, porén tampouco se están a elaborar estratexias para reactivar o pulso económico nos mesmos.
A única política seguida polo goberno do PP é a de aplicar continuos recortes en dereitos económicos e sociais conquistados en favor das maiorías sociais. Esa teima amosa como este Goberno está a empregar a crise máis como un pretexto para avanzar no modelo de sociedade cada vez máis desigual que abandeira a doutrina neoliberal. O propio Comité de Dereitos Económicos, Sociais e Culturais da ONU vén de afirmar, respecto do Estado español, que “as medidas de austeridade están prexudicando de forma desproporcionada os grupos desfavorecidos”, asegurando ademais que os axustes están a destruír o estado do benestar e provocando un aumento considerábel do número de persoas en risco de pobreza.
O último episodio desta errática política económica constitúeo o Real Decreto-Lei 20/2011, do 13 de xullo, que contén medidas destinadas á minoración retributiva e de dereitos laborais para as empregadas e os empregados públicos, á redución das prestacións por desemprego, á diminución do financiamento do sistema de axuda á dependencia, á liberalización comercial que provocará perdas ao comercio tradicional fronte ás grandes superficies comerciais. Todo iso completado cunha suba fiscal (o IVE) na imposición asociada ao consumo de xeito que se reparten linealmente as cargas contributivas no canto de acometer unha reforma fiscal progresiva sobre as grandes fortunas e patrimonios e as rendas máis altas.
18/07/12
Supresión do copago farmacéutico a pensionistas
O BNG reclama do Concello de Gondomar que se posicione contra o copago farmacéutico
O BNG de Gondomar presentou hoxe no Rexistro do Concello unha moción para que o Concello reclame da Xunta de Galiza o desenvolvemento dunha normativa propia, en virtude das competencias sanitarias que lle atribúen as leis galegas e o Estatuto de Galiza, que reduza o impacto da medida imposta polo Goberno do Estado nas economías familiares galegas e suprima o copago farmacéutico para as persoas pensionistas.
O pasado 1 de xullo entrou en vigor o novo copago farmacéutico imposto polo Goberno do Estado que incorpora ao copago a máis de 725.000 pensionistas e aumenta as achegas de centos de miles de persoas activas.
O BNG xa manifestou que o copago farmacéutico é un sistema inxusto e insolvente. Quedan fóra de financiamento medicamentos fundamentais que non teñen alternativa en Galiza, nin nas farmacias nin nas distribuidoras. Esta medida tivo xa a primeira consecuencia, pois persoas con tratamentos crónicos deixaron de retirar a súa medicación pola imposición deste copago.
A día de hoxe, moitas persoas xubiladas con pequenas pensións comprobaron xa como lles afecta este recorte, pois terán que pagar entre 8 e 18 euros polas súas medicinas. A pensión media das galegas e os galegos non acada os 800 € (166 € menos que a media española) e con estes ingresos deben aínda facer fronte ao pago das medicinas, persoas que levan toda a súa vida traballando e cotizando para acadar as mellores condicións de xubilación posíbeis.
O BNG reclama outra xestión sanitaria, que non se centre en recadar das persoas enfermas senón en atendelas dignamente, nunha sanidade que sexa un elemento de redistribución de riqueza e que sexa financiada suficientemente dende os impostos. O Goberno galego está a tempo de rexeitar estas medidas retrógradas e insolventes impostas polo PP dende o Goberno do Estado.
E por isto que o BNG de Gondomar presentou esta moción e solicitou que sexa tratada no vindeiro pleno do Concello. Desde o BNG agardamos que o Pleno da Corporación municipal teña a sensibilidade de recoller e tratar esta proposta, pois son moitas as e os gondomarenses que se vén gravemente afectados por esta medida.
A nova nos medios:
16/07/12
Declaracións de Jorquera na festa do Día da Patria
Francisco Jorquera reclama en Gondomar o noso dereito a decidir sobre sectores fundamentais coma a pesca ou o naval
O BNG celebrou este domingo 15 de xullo, ás 18:30 horas na Alameda de Gondomar, a Festa do Día da Patria coa asistencia de centos de persoas. O acto iniciouse coa benvida do Responsábel local, Álvaro Lores, aos asistentes. A continuación interveu Manuela Rodríguez, Responsábel comarcal do BNG, quen deu a palabra a Francisco Jorquera, candidato do BNG á Xunta de Galiza e portavoz no Congreso dos Deputados. Na súa intervención Francisco Jorquera cualificou de insulto ás persas paradas que o Goberno do Estado rebaixase as prestación por desemprego. Jorquera sinalou tamén a rebaixa das pensións, nun país como Galiza que xa cobra as pensións máis baixas do Estado, denunciando que esta crise é o mellor pretexto para impor un modelo económico sustentado no recorte de dereitos ás traballadoras e aos traballadores.
O candidato á presidencia da Xunta polo BNG criticou que non se defendan os dereitos dos pequenos aforradores embaucados polos bancos, uns bancos que non están cumprindo coa súa función de financiar as empresas galegas, sendo as máis prexudicadas as pequenas empresas e as persoas autónomas. Neste sentido sinalou o prexuízo que lles vai crear o incremento do IVE, un imposto absolutamente inxusto, que todas e todos pagamos, independentemente dos nosos recursos. Por iso defendeu a existencia dunha fiscalidade progresiva que grave máis a quen máis ingresa, sinalando que as cifras que se pretenden aforrar cos recortes aos traballadores da Administración, o incremento de impostos, a redución da prestación por desemprego, a rebaixa das pensións, etc. equivalen ás cifras do fraude fiscal, sobre o que se segue sen actuar.
Francisco Jorquera manifestou que os recortes afectarán gravemente ás Comunidades autónomas que acabarán por facer recortes en Sanidade e Educación para cumprir co obxectivos de déficit que lle marca o goberno central. Neste sentido, Jorquera reclamou que Feijoo non actúe de maneira submisa e que faga oír a voz de Galiza.
O portavoz do BNG no Congreso dos Deputados declarou que “cómpre recuperar o sentido ético da política” e sinalou que se poden e se deben facer políticas diferentes, pensando no pobo. Así, e tendo presente o lema deste 25 de xullo: “Rescatemos os nosos dereitos”, Jorquera fixo fincapé na necesidade de rescatar soberanía para decidirmos sobre os noso recursos e a súa xestión, para negociar as galegas e os galegos directamente sobre a nosa pesca ou a nosa industria do naval.
Jorquera rematou a súa intervención animando ás e aos presentes a acudir á manifestación do 25 de xullo para loitar por recuperar os nosos dereitos.
O acto rematou cuns petiscos e a actuación do grupo de Música Tradicional Zurrumalla. Na festa en Gondomar estiveron presentes os concelleiros do BNG de Baiona, Nigrán, Redondela e Vigo e os deputados do BNG Carme Adán e Henrique Viéitez, así como numerosos militantes e simpatizantes da comarca e veciñas e veciños de Gondomar.
A nova nos medios:
- http://www.valminor.info/gondomar/4606-gondomar-francisco-jorquera-reclama-a-feijoo-que-non-actue-de-forma-qsumisaq-ante-os-recortes-
- http://baionatv.webs.com/apps/blog/show/17095183-o-candidato-a-presidencia-da-xunta-polo-bng-manifestou-que-e-un-insulto-as-persoas-que-estan-no-paro-o-recorte-das-prestacions
13/07/12
Novo centro de saúde
O BNG de Gondomar esixe a xestión pública ao 100% do novo centro de saúde
Hoxe transcendeu aos medios de comunicación que o Consello da Xunta de 29 de xuño informou da licitación de 15 novos centros de saúde, entre os cales se atopa o de Gondomar, que xa fora anunciado durante o goberno bipartito e, tras a chegada do PP ao goberno da Xunta, quedou postergado sen se saber cando se iniciarían as obras, malia ter posto o BNG, no seu día, os terreos a disposición da Xunta.
A Xunta de Galicia informou de que a licitación dos “15 novos centros de saúde e a ampliación do Hospital do Salnés suporá un investimento total de 41,5 millóns de euros, dos cales 11 millóns corresponde administración autonómica e o resto a fondos FEDER e fondos AGADER”. A previsión é que se licite en xullo o expediente de contratación, podendo presentarse as ofertas até a primeira semana do mes de setembro.
O BNG de Gondomar esixe que o Centro de Saúde sexa 100% público, e que non se adopte o modelo privatizador seguido para a construción e posta en funcionamento do Hospital de Vigo.
Por outro lado, agarda que este anuncio sexa unha realidade e non unha manobra electoralista pensada de cara a unha vindeira convocatoria de elección.
12/07/12
Festa polo Día da Patria
Festa polo Día da Patria na Praza da Alameda da Vila de Gondomar
O domingo 15 de xullo ás 18:30 celebraremos unha Festa polo Día da Patria na Praza da Alameda da Vila de Gondomar tomando uns petiscos e un viño e coa música de Zurrumalla. Estará tamén connosco Francisco Jorquera, portavoz no Congreso e candidato á Xunta de Galiza.
Estades tod@s convidad@s!
A nova nos medios:
A implantación da taxa do lixo
O BNG denuncia a pouca sensibilidade do goberno municipal na implantación da taxa do lixo na actual situación económica
O Bloque Nacionalista Galego lamenta que o Pleno do Concello de Gondomar non tivese en conta ningunha das mocións que leva presentado no rexistro do Concello
Nas últimas semanas, o BNG de Gondomar presentou por rexistro tres mocións dirixidas ao Pleno do Concello: unha moción a prol dunha banca pública galega e para reclamar a realización dun referendo sobre o rescate; outra para reclamar que non se privatice a xestión das actividades deportivas, e unha terceira para reclamar que non se supriman unidades no ensino público.
Porén, o Pleno do Concello de Gondomar non tivo en conta ningunha destas mocións e, deste xeito, na súa xuntanza do pasado xoves nin debateu nin se pronunciou sobre un rescate que é un roubo para o pobo e que tantas consecuencias negativas vai ter para a cidadanía. Tampouco houbo debate sobre as supresións de unidades no ensino, que en Gondomar afectan aos colexios de Donas e Peitieiros, sen que aínda se coñezan os datos de Secundaria, onde se pode prever unha redución de profesorado. Finalmente, non se tivo en conta a moción do BNG contra a privatización da xestión das actividades deportivas, algo que ten consecuencias nefastas para as persoas que realizaban este traballo, pois poden resultar despedidas, e para a propia cidadanía ante a hipótese de que a privatización da xestión dea lugar a un encarecemento da actividade.
No Pleno tratouse, ademais, a implantación da taxa do lixo. O BNG de Gondomar denuncia que o goberno municipal non tivese a sensibilidade de establecer pagos fraccionados e aplicar tarifas reducidas nas vivendas con todos os seus membros no desemprego. Por outro lado, o BNG esixirá o cumprimento estrito da normativa no relativo á dotación de colectores, e reclamará unha campaña de información e o incremento de colectores para a recollida selectiva e dotación de colectores para pilas e aceite no centro da vila e noutras localidades, pois neste momento soamente se poderían depositar no punto limpo. O BNG tamén lamenta que non se modificase a proposta levada ao pleno para establecer uns prazos de aboamento da débeda, cando se produza un impago.
O BNG seguirá reclamando que se leven ao Pleno todos os temas que entenda que son de interese para a cidadanía e solicitará que se conceda a palabra a un/ha representante do BNG, para tratar os temas presentados.
04/07/12
Contra a supresión de unidades escolares
O BNG de Gondomar presentou unha moción contra a supresión de unidades escolares no ensino público
O BNG de Gondomar presentou hoxe por rexistro unha moción para que o Concello de Gondomar adopte os seguintes acordos:
1. Que non se agrupe na mesma unidade alumnado de Educación Infantil e de Educación Primaria.
2. Que se doten os centros de ensino do persoal e dos recursos necesarios para a atención do alumnado con necesidades educativas especiais.
3. Que a Consellaría de Educación modifique a súa política educativa e garanta unha educación pública de calidade, dotando aos centros de ensino público do profesorado necesario para unha educación pública en condicións, e con especial atención aos concellos do rural.
2. Que se doten os centros de ensino do persoal e dos recursos necesarios para a atención do alumnado con necesidades educativas especiais.
3. Que a Consellaría de Educación modifique a súa política educativa e garanta unha educación pública de calidade, dotando aos centros de ensino público do profesorado necesario para unha educación pública en condicións, e con especial atención aos concellos do rural.
O motivo polo que o BNG presenta esta moción é a decisión da Xunta de Galiza de suprimir aulas e realizar agrupamentos entre alumnado de diferentes niveis, ciclos ou mesmo etapas levándonos a un retroceso de máis de trinta anos, que impide incluso a conciliación da vida laboral e familiar de nais e pais. Esta medida está a ser respondida pola comunidade educativa e pola sociedade galega por resultar nociva para a educación pública e mortal no medio rural, pois a redución de aulas ou a desaparición de colexios contribúe ao seu despoboamento.
O goberno do PP na Xunta de Galiza impón medidas sen diálogo, mostrando a meirande insensibilidade, sen buscar solucións nin procurar alternativas, agás as que supoñen a desaparición do benestar e das condicións de vida de galegos e galegas que tiñan ganado até agora. Fai días morreu Preescolar na Casa, innovador, adaptado e sostíbel na realidade rural galega, sen que a Xunta movese unha pestana para salvalo, e agora tócalle a educación en xeral coa supresión de aulas de infantil, primaria e secundaria.
Na provincia de Pontevedra, a día de hoxe, 37 son as aulas suprimidas, algunhas delas no concello de Gondomar, sobre o que aínda non hai datos definitivos, pois a Consellaría oculta os datos de Secundaria; pero estes datos, poden verse incrementados unha vez que nos próximos días vaian aparecendo no Diario Oficial de Galiza as resolucións da Xunta.
A educación pública é o a única garantía da igualdade de oportunidades, por iso o investimento educativo é a ferramenta para pór os alicerces para a mellora social, sendo ademais un dos medios para saír da crise económica que vivimos.
En Galiza a educación pública xa sufriu un retroceso significativo desde 2009 logo da ocupación da Xunta polo PP e debido a súa política educativa de recortes e falta de atención e mentres isto sucede no ensino público increméntanse as unidades concertadas paras os centros privados e as subvencións encubertas para os mesmos ao tempo que se reducen as bolsas para o alumnado, as axudas aos comedores escolares, ao transporte escolar ou a eliminación de profesorado.
23/06/12
O Concello privatiza as actividades deportivas
O BNG denuncia que o Concello de Gondomar pretende privatizar as actividades deportivas
O BNG de Gondomar tivo coñecemento estes días de que o goberno municipal presidido polo PP e integrado tamén por dous concelleiros do CDL está considerando a privatización das actividades deportivas que viu ofertando estes anos.
Trátase, entre outras, das actividades de multideporte, patinaxe, taekwondo, ximnasia de mantemento, ximnasia suave para maiores, tenis ou iniciación ao deporte polas que os usuarios veñen aboando uns 70 euros anuais.
Baixo o pretexto de que se trata dunha decisión política que vén "de arriba" e que as actividades producen perdas económicas, a Concellaría de Deportes comunicoulles aos monitores coincidindo co remate das actividades que para continuar na actividade terían que constituírse en empresa. A intención do Concello é privatizar a xestión, entregando as actividades a unha empresa que, loxicamente, ten ante todo afán de lucro.
O BNG denuncia que a privatización das actividades terá como primeira consecuencia o cese dos monitores actuais, que veñen realizando o seu traballo desde hai varios anos mediante contratos a tempo parcial, e que agora se verán sen esta parte do seu salario. É dicir, produce desemprego. Ademais o BNG denuncia as formas en que isto se comunicou, no último momento, rematadas as actividades, coa intención de evitar unha resposta social por parte das e dos traballadores afectados e dos usuarios das actividades, que xa se queixan de que perden os seus monitores cos que están especialmente contentos.
Por outro lado a privatización do servizo xera moitas preguntas:
Trátase, entre outras, das actividades de multideporte, patinaxe, taekwondo, ximnasia de mantemento, ximnasia suave para maiores, tenis ou iniciación ao deporte polas que os usuarios veñen aboando uns 70 euros anuais.
Baixo o pretexto de que se trata dunha decisión política que vén "de arriba" e que as actividades producen perdas económicas, a Concellaría de Deportes comunicoulles aos monitores coincidindo co remate das actividades que para continuar na actividade terían que constituírse en empresa. A intención do Concello é privatizar a xestión, entregando as actividades a unha empresa que, loxicamente, ten ante todo afán de lucro.
O BNG denuncia que a privatización das actividades terá como primeira consecuencia o cese dos monitores actuais, que veñen realizando o seu traballo desde hai varios anos mediante contratos a tempo parcial, e que agora se verán sen esta parte do seu salario. É dicir, produce desemprego. Ademais o BNG denuncia as formas en que isto se comunicou, no último momento, rematadas as actividades, coa intención de evitar unha resposta social por parte das e dos traballadores afectados e dos usuarios das actividades, que xa se queixan de que perden os seus monitores cos que están especialmente contentos.
Por outro lado a privatización do servizo xera moitas preguntas:
- Vanse manter os parámetros de calidade das actividades?
- Vanse reducir os salarios das e dos monitores, ao ser unha empresa a intermediaria e ter como obxectivo obter beneficios que poden saír, como xa ten sucedido, da redución dos salarios das e dos traballadores?
- Pode incidir esta privatización no incremento de prezos da actividade para as e os usuarios?
O BNG de Gondomar oponse a este intento de privatización e dirixirase á Concellaría de Deportes para reclamar que se manteña a oferta de actividades deportivas mediante xestión directa do concello, mantendo no seu posto aos actuais monitores e garantindo que non se incrementarán os prezos para os usuarios. A Concellaría de Deportes e o Goberno municipal de Gondomar deben asumir que as actividades deportivas son un servizo á cidadanía e como tal debe ser ofertado, con garantías de calidade e acceso para todas e todos.
21/06/12
A favor da Banca Pública Galega
O BNG rexistra no Concello de Gondomar unha moción a favor da Banca Pública Galega e dun referendo sobre o rescate
O BNG de Gondomar considera que o que se vai rescatar, en realidade, son os bancos, únicos beneficiarios desta operación, e quen vai pagar a factura da operación, en forma de xuros e de novos recortes no seu benestar, é o conxunto da sociedade. E ademais vai significar a destrución do sistema financeiro galego.
A única alternativa para salvar o aforro galego e impedir que sexa espoliado por entidades foráneas é a aposta pola Banca Pública Galega, instando á Xunta de Galiza a que demande do Estado a transferencia da participación que o FROB detenta en NGB.
No BNG queremos que se rescate ás miles de persoas afectadas pola estafa das preferentes, así que con esta moción tamén demandamos unha solución para elas. Solución que non pode ser outra que a da restitución até o último céntimo de todos os seus aforros. Se hai 100.000 millóns de euros para rescatar a banca, debe haber, de existir vontade política, capacidade económica máis que de abondo para devolver o estafado ás vítimas desta xigantesca fraude.
A depuración das responsabilidades ás que houber lugar polo enorme burato deixado na economía polos xestores do sistema financeiro atopa tamén acomodo na moción do BNG que demanda a creación de comisións de investigación no Parlamento de Galiza e no Congreso dos Deputados. Até agora foron vetadas por un PP que claramente ampara os responsábeis dunha catástrofe financeira que, rescate á marxe, xa lle ten custado ao contribuínte 118.000 millóns de euros (máis de dúas veces o PIB galego!!!).
A moción tamén se preocupa do impacto que a nova reestruturación financeira imposta polo rescate vai ter no cadro de persoal de Novagaliciabanco e na atención aos veciños e veciñas, sobre todo da zona rural. Neste sentido, o BNG demanda a adopción de medidas políticas que permitan que non se destrúa nin un só posto de traballo máis no sistema financeiro galego e se preste atención adecuada aos clientes.
A nova nos medios:
16/06/12
O Concello de Gondomar desprotexe o galego
O BNG de Gondomar critica que a proba de galego non teña carácter eliminatorio para o acceso a postos de traballo na Administración pública do Concello de Gondomar
Para o BNG de Gondomar, no acceso a postos de traballo na Administración pública débese esixir a demostración de competencia no uso da nosa lingua. Desde este punto de vista, o BNG entende que as probas, ou unha parte delas, deberían realizarse en galego. En todo caso, ao BNG non lle parece correcto que a proba de galego non teña o mesmo carácter eliminatorio có resto das probas.
O Concello de Gondomar convocou por medio do Boletín Oficial da Provincia dúas prazas temporais, unha delas de Arquitecto/a superior, en posto interino para cubrir a baixa do titular, e outra de Traballador/a Social, cun contrato de 12 meses. En ningún dos dous casos a proba de galego é eliminatoria. Que a proba de lingua galega, consistente nunha tradución de castelán a galego ou viceversa, sexa derradeira proba, despois de aprobar as anteriores, e que non teña carácter decisivo na realización das probas, réstalle utilidade, converténdoa nun mero trámite que non ten ningún tipo de validez.
Para o BNG este feito impide comprobar que as e os aspirantes estean en condicións de atender ás veciñas e os veciños na nosa lingua que, en Gondomar, segue sendo maioritaria entre as persoas adultas, polo que non se garante o noso dereito a sermos atendidos no noso idioma.
Por outro lado, o BNG non entende a brevidade dos prazos establecidos: dez días naturais, uns prazos especialmente curtos que non favorecen que as persoas interesadas poidan acceder a esta oferta. Prazos tan reducidos préstanse a que acaben por presentarse soamente as persoas que teñen a fortuna de seren avisadas.
13/06/12
Conversa co BNG en Gondomar
O BNG de Gondomar convoca asemblea aberta en Gondomar
O BNG de Gondomar convoca unha asemblea aberta en Gondomar este venres 15, ás 20:30 h. na Casa da Cultura.
Co título de Conversa co BNG, o BNG de Gondomar convoca ás veciñas e veciños de Gondomar para presentar o seu Consello Local e dar conta das liñas de traballo seguidas nestas semanas. Con este acto péchase a rolda de encontros parroquias iniciada o 14 de maio. Nestas conversas o BNG presentou o novo Consello Local integrado por Álvaro Lores, responsábel local, Marta Dacosta, Bieito A. Lobariñas e Ana Bringas
Nos encontros realizados o BNG recibiu o apoio das veciñas e dos veciños de Gondomar e recolleu as súas preocupacións e propostas.
O BNG de Gondomar convida a todas e a todos a que acudan a estes encontros, en que o BNG dará conta do traballo realizado e recollerá as preocupacións da veciñanza.
A nova nos medios:
Conversa co BNG en Vincios
O BNG de Gondomar presenta o Consello Local en Vincios
O BNG de Gondomar presenta o seu novo Consello Local en Vincios este mércores día 13, ás 21:00 horas no Centro Cultural.
Co título de Conversa co BNG, o BNG de Gondomar convoca ás veciñas e veciños de Vincios para presentar o seu Consello Local, integrado por Álvaro Lores, responsábel local, Marta Dacosta, Bieito A. Lobariñas e Ana Bringas.
O BNG de Gondomar convida a todas e a todos a que acudan a estes encontros, en que o BNG dará conta do traballo realizado e recollerá as preocupacións da veciñanza.
A nova nos medios:
A nova nos medios:
11/06/12
Contra o rescate bancario
O BNG convoca concentracións contra o rescate bancario
O BNG convoca concentracións para mañá martes 12 de xuño contra o rescate bancario nas seguintes cidades e vilas de Galiza:
- A Coruña, ás 20 h., no Obelisco
- Santiago de Compostela, ás 20 h, na Praza de Cervantes
- Ferrol, ás 20 h, diante do edificio administrativo da Xunta de Galiza (Praza de España)
- Ourense, 19:30 h, diante da Subdelegación do Goberno
- Pontevedra, ás 20 h, na Peregrina
- Lugo, ás 20 h, na Praza Armanyá, diante da subdelegación do goberno
- Vigo, ás 20 h, no Marco
- A Estrada, ás 21 h, na Praza do Concello
- Burela, ás 20:30 h, na Praza da Mariña
- Vilagarcía de Arousa, ás 20 h, na Praza de Galiza
- Santiago de Compostela, ás 20 h, na Praza de Cervantes
- Ferrol, ás 20 h, diante do edificio administrativo da Xunta de Galiza (Praza de España)
- Ourense, 19:30 h, diante da Subdelegación do Goberno
- Pontevedra, ás 20 h, na Peregrina
- Lugo, ás 20 h, na Praza Armanyá, diante da subdelegación do goberno
- Vigo, ás 20 h, no Marco
- A Estrada, ás 21 h, na Praza do Concello
- Burela, ás 20:30 h, na Praza da Mariña
- Vilagarcía de Arousa, ás 20 h, na Praza de Galiza
En defensa dos Montes Veciñais
O BNG de Gondomar participou na Manifestación do 9 de xuño en Compostela en defensa dunha Lei de Montes respectuosa cos Montes Veciñais
A Mancomunidade de Montes do Val Miñor e as CCMM estiveron presentes e contaron coa presenza de comuneiros e comuneiras e da veciñanza en xeral en apoio do monte veciñal, para o que se desprazaron varios autobuses.
O BNG apoiou a manifestación e alí estivemos presentes na defensa dun medio rural vivo e sustentábel como alicerce estratéxico para Galiza.
Felicitamos a todas as persoas presentes neste acto e, sobre todo, á Organización Galega de Comunidades de Montes Veciñais en Man Común (ORGACCMM), polo seu labor para concienciar á sociedade da necesidade do mantemento do monte veciñal, e por ter a iniciativa de convocar e encabezar unha mobilización para reivindicalo.
08/06/12
O PP usurpa a representación do BNG na Área Metropolitana
O BNG de Gondomar denuncia que a apropiación das actas por parte dos concelleiros que abandonaron a organización favorece ao PP que por este motivo ve incrementada a súa representación na Área Metropolitana
No pleno celebrado onte en Gondomar, aprobouse unha proposta do PP para nomear unha das súas concelleiras como segunda representante do concello de Gondomar na Área Metropolitana. Deste xeito o PP terá o 100% da representación de Gondomar nese organismo, cando de acordo cos resultados electorais ese segundo concelleiro ou concelleira lle corresponde ao BNG.
Mais o feito de que as persoas que abandonaron o BNG non entregaran as actas, tal e como está establecido estatutariamente no BNG e eles coñecían, e tal e como lles foi reclamado, non só priva o BNG da representación que lexitimamente lle corresponde no Concello e, neste caso, na Área Metropolitana, senón que favorece directamente ao PP.
No Pleno de onte a Alcaldía presentou un informe en que se concluía que ao non ter o BNG grupo municipal, pois os concelleiros electos por esta formación xa non integran este grupo, o segundo concelleiro na Área Metropolitana correspóndelle ao PP. Con este informe na man, o PP presentou a súa candidatura que resultou aprobada.
O BNG denuncia que a usurpación das actas obtidas nas eleccións municipais non só prexudica o BNG en canto á representación que lle corresponde e vulnera o espírito do voto do electorado, senón que prexudica o nacionalismo, pois, como onte se comprobou no Pleno de Gondomar, quen sae beneficiado é exclusivamente o PP que, neste caso, incrementa a súa representación na Area Metropolitana, unha representación que non se axusta ao resultado das eleccións municipais en Gondomar.
Desde o BNG tamén queremos sinalar que esta non é unha consecuencia sobrevida, senón que é unha consecuencia previsíbel e coñecida por todas as partes.
04/06/12
Conversa co BNG en Chaín, Peitieiros e Donas
O BNG de Gondomar presenta o seu Consello Local en Chaín, Peitieiros e Donas
O BNG de Gondomar vai celebrar esta semana tres novos encontros abertos coas veciñas e os veciños, desta volta nas parroquias de Chaín, Peitieiros e Donas.
Co título de Conversa co BNG terán lugar tres encontros coa veciñanza das parroquias de Chaín, Peitieiros e Donas o próximo martes, mércores e venres, respectivamente. Nestes encontros será presentado o novo Consello Local integrado por Álvaro Lores, responsábel local, Marta Dacosta, vicerrresponsábel local, Bieito A. Lobariñas, responsábel de organización e Ana Bringas, responsábel de finanzas.
A primeira Conversa será o martes 5 de xuño ás 21 horas no Centro Cultural A Mercede de Chaín.
O mércores 6 de xuño, tamén ás 21 horas, terá lugar o encontro cos veciños e veciñas de Peitieiros no seu Centro Cultural.
E o venres 8 de xuño, á mesma hora, o encontro será en Donas, no Centro Cultural desta parroquia.
O BNG valora moi positivamente os encontros realizados, nos que as veciñas e os veciños se interesan pola actividade que está a desenvolver a organización e trasladan as súas preocupacións sobre a situación política de Gondomar e tamén propostas de actuación local. Son encontros distendidos nos que o diálogo é o elemento central.
O BNG de Gondomar convida a todas e a todos a que acudan a estes encontros, en que o BNG quere escoitar e recoller as preocupacións da veciñanza.
A nova nos medios:
31/05/12
O BNG quere que a Igrexa pague o seu IBI
O BNG presentou no rexistro do Concello de Gondomar unha proposta de moción esixindo que se traslade ao Goberno do Estado que realice as xestións necesarias para suprimir un privilexio da Igrexa Católica como é a exención de IBI para o seu patrimonio
En función dos acordos subscritos entre o Estado español e a Santa Sede en 1976 e 1979, a Igrexa Católica conserva varios privilexios, impropios dun Estado que se declara aconfesional. Parte destes privilexios son de carácter económico, o que supón que a Igrexa Católica goce dun financiamento e condicións económicas excepcionais: financiamento directo mediante o IRPF e exención do pago de varios impostos, entre eles, o IBI por todos os bens inmóbeis que posúe.
Na situación actual de grave crise económica, cunhas consecuencias que están a repercutir en toda a poboación, que sofre recortes laborais, sociais e económicos, e que debe cumprir coas súas obrigas tributarias, resulta incomprensíbel -tendo en conta ademais a delicada situación financeira no ámbito local- que a Igrexa Católica teña o privilexio de non tributar aos concellos polo seu enorme patrimonio, ao tempo que percibe financiamento directo e subvencións para a conservación e mantemento dos seus fondos patrimoniais. Nun informe de 2010, a Dirección Xeral do Catastro daba cifras do patrimonio estritamente relixioso da Igrexa católica en Galiza: 7.691 inmóbeis e un valor catastral de 426 millóns, cantidade que non repercute nos orzamentos municipais.
O BNG ten demandado en numerosas ocasións a necesidade de acometer unha reforma fiscal que acentúe o carácter progresivo do sistema, de xeito que se incremente a equidade e a xustiza do mesmo, ao tempo que permita incrementar os ingresos públicos, gravando con maior progresividade as rendas de capital ou os grandes beneficios empresariais, así como a creación dun imposto sobre as grandes fortunas. Ademais, o BNG vén reclamando dende fai tempo tanto a revisión dos Acordos coa Santa Sede como, nomeadamente, a supresión da exención do pago do IBI por parte da Igrexa.
Por estes motivos o BNG de Gondomar presentou por medio do rexistro unha moción dirixida a propor ao Goberno do Estado que realice as xestións necesarias para acadar a supresión desta exención e para que, mentres se negocia esta modificación, se estude un mecanismo de compensación para os Concellos. Na moción tamén se reclama instar ao Parlamento e á Xunta de Galiza a que asuman esta mesma demanda e se insta ao Goberno municipal a realizar un censo municipal dos inmóbeis pertencentes á Igrexa Católica e a outras confesións relixiosas.
O BNG de Gondomar agarda que o Pleno do Concello teña en conta esta proposta e a inclúa na orde do día do seguinte pleno, agardando que sexa aprobada, pois esta moción do BNG recolle o sentimento dunha maioría das veciñas e veciños de Gondomar.
29/05/12
Charla do BNG en Borreiros sobre a Lei de Montes e as fumigacións
O deputado do BNG no Parlamento galego, Henrique Viéitez, e o presidente da Organización Galega de Montes, Xosé Alfredo Pereira, falarán no Centro Cultural de Borreiros do borrador da Lei de Montes e a proposta de fumigacións das empresas papeleiras
O BNG realizará este venres 1 de xuño ás 20:30 no Centro Cultural de Borreiros, un acto comarcal do Val Miñor para explicar o borrador da Lei de Montes e a proposta de fumigacións das empresas papeleiras.
No acto intervirán o presidente da Organización Galega de Montes en Man Común, Xosé Alfredo Pereira, e o deputado do BNG no Parlamento galego, Henrique Viéitez.
O BNG explicará que a proposta de borrador presentada pola Consellaría de Medio Rural non recoñece a titularidade comunitaria dos montes veciñais, catalogación recoñecida polo Gabinete xurídico da Consellaría e do Parlamento no seu día. A propiedade comunitaria é un sistema de xestión do monte que se remonta varios séculos atrás, tendo os seus inicios no dereito xermánico. É característica de Galiza e o norte de Portugal, onde está recoñecida na propia Constitución da República.
Ademais o proxecto de lei do PP non dá resposta aos problemas estruturais e aumenta a desprotección fronte aos lumes. O borrador presentado polo goberno non introduce melloras na actual situación de falta de ordenación e proliferación de especies pirófitas. O único obxectivo desta Lei de Montes elaborada polo goberno do PP é o desmantelamento da Lei de Prevención e Defensa contra Incendios Forestais de Galiza promovida polo BNG dende o anterior goberno da Xunta.
Neste sentido o BNG expresará o seu apoio á manifestación convocada pola Organización Galega de Montes en Man Común prevista para o día 9 de xuño.
Canto á proposta de fumigacións das empresas papeleiras, o BNG explicará as consecuencias de medidas tan agresivas coma esta e cales son os requisitos que as empresas deben acreditar. O BNG promoverá entre os comuneiros que non autoricen estas fumigacións nas súas propiedades, polas súas nefastas consecuencias sobre a saúde dos seres vivos. A industria papeleira pretende fumigar moitas zonas do país con Flufenoxuron, un produto tóxico para insectos e ácaros, de degradación lenta e que se acumula en diferentes organismos acuáticos. A Unión Europea, o 9 de febreiro de 2012, ordenou que produtos con ese compoñente deixen de comercializarse a partir do 1 de agosto de 2012, por mor da súa toxicidade e por ser biocaumulábel.
No acto intervirán o presidente da Organización Galega de Montes en Man Común, Xosé Alfredo Pereira, e o deputado do BNG no Parlamento galego, Henrique Viéitez.
O BNG explicará que a proposta de borrador presentada pola Consellaría de Medio Rural non recoñece a titularidade comunitaria dos montes veciñais, catalogación recoñecida polo Gabinete xurídico da Consellaría e do Parlamento no seu día. A propiedade comunitaria é un sistema de xestión do monte que se remonta varios séculos atrás, tendo os seus inicios no dereito xermánico. É característica de Galiza e o norte de Portugal, onde está recoñecida na propia Constitución da República.
Ademais o proxecto de lei do PP non dá resposta aos problemas estruturais e aumenta a desprotección fronte aos lumes. O borrador presentado polo goberno non introduce melloras na actual situación de falta de ordenación e proliferación de especies pirófitas. O único obxectivo desta Lei de Montes elaborada polo goberno do PP é o desmantelamento da Lei de Prevención e Defensa contra Incendios Forestais de Galiza promovida polo BNG dende o anterior goberno da Xunta.
Neste sentido o BNG expresará o seu apoio á manifestación convocada pola Organización Galega de Montes en Man Común prevista para o día 9 de xuño.
Canto á proposta de fumigacións das empresas papeleiras, o BNG explicará as consecuencias de medidas tan agresivas coma esta e cales son os requisitos que as empresas deben acreditar. O BNG promoverá entre os comuneiros que non autoricen estas fumigacións nas súas propiedades, polas súas nefastas consecuencias sobre a saúde dos seres vivos. A industria papeleira pretende fumigar moitas zonas do país con Flufenoxuron, un produto tóxico para insectos e ácaros, de degradación lenta e que se acumula en diferentes organismos acuáticos. A Unión Europea, o 9 de febreiro de 2012, ordenou que produtos con ese compoñente deixen de comercializarse a partir do 1 de agosto de 2012, por mor da súa toxicidade e por ser biocaumulábel.
A nova nos medios:
26/05/12
Conversa co BNG en Morgadáns
O BNG de Gondomar presenta o seu Consello Local en Morgadáns
Co título de Conversa co BNG o luns día 28, ás 21 horas nas Escolas de Guillufe terá lugar o encontro coa veciñanza da parroquia de Morgadáns. Neste encontro será presentado o novo Consello Local integrado por Álvaro Lores, responsábel local, Marta Dacosta, vicerrresponsábel local, Bieito A. Lobariñas, responsábel de organización e Ana Bringas, responsábel de finanzas.
O BNG valora moi positivamente os encontros xa realizados, nos que as veciñas e os veciños se interesan pola actividade que está a desenvolver a organización e trasladan as súas preocupacións sobre a situación política de Gondomar e tamén propostas de actuación local. Son encontros distendidos nos que o diálogo é o elemento central.
O BNG de Gondomar convida a todas e a todos a que acudan a estes encontros, en que o BNG quere escoitar e recoller as preocupacións da veciñanza.
O BNG valora moi positivamente os encontros xa realizados, nos que as veciñas e os veciños se interesan pola actividade que está a desenvolver a organización e trasladan as súas preocupacións sobre a situación política de Gondomar e tamén propostas de actuación local. Son encontros distendidos nos que o diálogo é o elemento central.
O BNG de Gondomar convida a todas e a todos a que acudan a estes encontros, en que o BNG quere escoitar e recoller as preocupacións da veciñanza.
A nova nos medios:
21/05/12
Charla-coloquio da Plataforma en Defensa da Sanidade Pública do Val Miñor
Este venres 25 de maio ás 19:30, na Casa da Cultura de Gondomar, a Plataforma en Defensa da Sanidade Pública do Val Miñor, organiza unha charla-coloquio sobre Que esta a pasar coa Sanidade Pública.
Trátase dun tema de urxente actualidade debido ás modificacións que na sanidade introduce o Real Decreto publicado polo goberno do Estado co obxectivo de reducir a inversión en 7000 millóns de euros. Por esta vía, e coa escusa da crise, o PP vai modificar o modelo sanitario e incrementar o copago, que recaerá xustamente nas persoas que máis precisan da sanidade pública.
Por outro lado, no Val Miñor e, en concreto en Gondomar, existe o problema engadido de estarmos obrigados a acudir ao hospital privado de Povisa, situación que se manterá, malia a construción do novo hospital en Valadares. Este feito xa foi denunciado polo BNG que presentou mocións en todos os concellos da comarca reclamando que a poboación miñorana sexa atendida no novo hospital.
No acto do día 25 en Gondomar, van participar:
- Vicente Lobato Falagan, membro da Plataforma Val Miñor
- María Tato Fontaíña, Xefa Unidade de Atención Primaria de Gondomar
- Xose Mª Sánchez Pena, membro da Plataforma de Cangas
- Manuel Martín García, Portavoz de SOS Sanidade Pública
- Manuel González Moreira, Médico de Atención Primaria, Voceiro da Plataforma de Vigo
Ao rematar as intervencións das persoas convidadas pola Plataforma iniciarase un coloquio.
O BNG de Gondomar, entidade integrante da xestora da Plataforma en Defensa da Sanidade Pública do Val Miñor, fai un chamamento ás veciñas e veciños de Gondomar para que acudan e participen nesta charla-coloquio, tendo coñecemento directo de cales son as modificacións, cales son as súas consecuencias e que podemos facer para combatelas.
O BNG de Gondomar convida a adherirse á Plataforma a todas as persoas e entidades que o desexen, enviando unha mensaxe de adhesión á conta de correo: pdsp.valminhor@gmail.com
18/05/12
Conversa co BNG en Vilaza e en Borreiros
O BNG de Gondomar presenta o seu Consello Local en Vilaza e Borreiros
O BNG de Gondomar vai celebrar esta semana dous novos encontros coas veciñas e os veciños, desta volta nas parroquias de Vilaza e Borreiros.
Co título de Conversa co BNG terán lugar dous encontros coa veciñanza das parroquias de Vilaza e Borreiros o próximo luns e mércores, respectivamente. Nestes encontros será presentado o novo Consello Local integrado por Álvaro Lores, responsábel local, Marta Dacosta, vicerrresponsábel local, Bieito A. Lobariñas, responsábel de organización e Ana Bringas, responsábel de finanzas.
A primeira Conversa será o luns 21 de maio ás 20:30 horas no Centro Cultural de Vilaza.
O mércores 23, desta vez ás 21 horas, terá lugar o encontro cos veciños e veciñas de Borreiros no Centro Cultural desta parroquia.
O BNG de Gondomar convida a todas e a todos a que acudan a estes encontros, en que o BNG quere ademais escoitar e recoller as preocupacións da veciñanza.
Maré polo galego en Compostela
Milleiros de persoas secundan a convocatoria de Queremos Galego contra os ataques ao idioma do País
Máis de 25.000 persoas, segundo os convocantes, encheron as rúas de Compostela para rexeitar os ataques ao galego e reivindicar o dereito a vivirmos na lingua propia da Galiza.
Compostela foi neste día a gran barca de pedra na que embarcaron milleiros e milleiros de persoas para, secundando a convocatoria de Queremos Galego, facer frente aos ataques ao idioma e reivindicar o dereito a vivirmos plenamente na língua do País. Non só a Praza da Quintana, punto final da manifestación, ficou pequena para acoller a maré de xente que acudiu á capital da Galiza para, no Día das Letras Galegas, deixar ben claro que o idioma segue vivo. Tampouco na Alameda e contorna (Porta Faxeira), punto de partida, non collía unha agulla. Millares de persoas (unhas 25.000 segundo a organización) procedentes de todos os recantos do País quixeron estar presentes en Compostela para amosar que hai un pobo que non vai permitir máis agresións contra o seu idioma. A cidade rebordou de paixón polo galego.
E nós estivemos aí!
 |
| Foto de Cruz Martínez |
Fonte: http://www.sermosgaliza.com/artigo/galiza/mare-polo-galego-en-compostela/20120517162341001336.html
16/05/12
Paremos os ataques contra o galego
Manifestación nacional pola lingua que nos une: 17 de maio 2012, ás 12 h. na Alameda de Santiago de Compostela
Manifesto: VOARES DE ESPERANZA
Agustín Fernández Paz
Don Ramón Otero Pedraio, para loar o labor entusiasta da imprenta de Ánxel Casal e de María Miramontes, chamoulle a aquel obradoiro «pombeiro de voares de esperanza». Pombeiro de voares de esperanza! A frase era o tal, pois desde alí botaban a voar os libros que recollían o mellor do pensamento e da creación en galego. Aqueles non eran tempos doados, mais os azos dos homes e mulleres das Irmandades da Fala foron enchendo de luz as vilas e cidades de Galiza e conseguiron facer visible socialmente a lingua de nós.
Nesas persoas están as nosas raíces, somos elos dunha cadea que vén de lonxe. Rosalía de Castro e tanta outra xente que traballou pola recuperación e o prestixio da lingua e da cultura conforman o ADN onde nos debemos recoñecer. Un ADN que ten algúns tramos da dobre hélice especialmente fértiles, coma o das Irmandades, semente das ideas que hoxe constitúen a nosa cerna: Galiza, célula de universalidade. A vontade de sermos unha peza máis, en pé de igualdade, no mosaico mundial das culturas.
Non foron fáciles as épocas pasadas e tampouco non o son os tempos que nos toca vivir. Non é preciso reiterarmos aquí as agresións destes últimos anos, cunha boa parte das elites políticas, financeiras e mediáticas obsesionadas por esborrallar os avances que traballosamente foramos acadando. O seu obxectivo: facer do galego unha lingua socialmente invisible, que permaneza recluída no gueto e non acade un uso normalizado. Que o castelán sexa a lingua por defecto e o galego, a rareza, a lingua oculta. Tratala coma un bonsai ao que cómpre retallarlle as pólas que se obstinan en medrar máis do permitido.
Que ilusos! Non coñecen as palabras do sociolingüista Colin Baker: «A substitución dunha lingua non é un proceso evolutivo natural. Alí onde a xente está determinada a manter viva unha lingua, parece imposible destruíla.» Non saben que as agresións nos fan máis fortes, que nos impulsan a ampliar o tamaño da nosa esperanza, que medra en nós a vontade de construírmos espazos de encontro e mais de unión.
Na súa novela 1984, George Orwell describe unha sociedade oprimida por unha minoría, onde a neolingua é o instrumento utilizado para construír a realidade deformada que lle interesa ao poder: baléiranse de significado as vellas palabras e énchense con outros que mellor conveñan. Como non lembrar a Orwell cando vemos como se retorce o significado de palabras como imposición, liberdade, bilingüe, normalización ou, ultimamente, plurilingüe? Do mesmo xeito que a Policía do Pensamento obrigaba o protagonista da distopía de Orwell a aceptar que 2 + 2 = 5, a quen controlan os fíos do poder válelles todo para ofreceren unha falsa visión da realidade.
Contra as mentiras, non cansaremos de lembrar o evidente: a lingua que naceu hai máis de mil anos neste país é de todas as persoas que vivimos e soñamos nel. Tamén é das persoas que chegan a Galiza desde calquera lugar do mundo, empuxadas polo desexo dunha vida mellor, e deciden quedar aquí. E tamén, xaora, de tanta xente que ten na nosa terra as súas raíces e anda espallada polo mundo adiante, pois nós fomos –aínda o somos, e ben que nos doe- un país de emigración.
Do mesmo xeito que unha planta precisa dunhas condicións ambientais determinadas para medrar, tamén as necesita unha lingua que se encontre nunha situación minorizada, como lle ocorre ao galego. Por iso urxe crear as medidas precisas facer realidade un "nicho ecolóxico" favorable á lingua. Unhas medidas nas que nunca deben faltar dúas constantes: o exemplo práctico de que o galego é útil en calquera ámbito e para todas as funcións e a vontade de crear actitudes positivas cara á lingua. Para que na sociedade non haxa cidadáns de primeira e de segunda, deben crearse as condicións para que se poida vivir en galego con normalidade. Cousa que hoxe non ocorre, como constatamos día tras día.
Como ten reiterado Xabier DoCampo, «nós non mentimos». Imos sempre coa verdade por diante, conscientes da xustiza das nosas ideas e propostas. Con alegría, desmontando na práctica os insidiosos prexuízos que outros sementan na sociedade e nas familias, impulsando actividades que fagan posible vivir en galego. Porque amamos e defendemos a pluralidade lingüística, xaora que si, mais non a costa de deixar arrombada a nosa lingua no faiado.
Somos conscientes do labor que nos agarda. Mais tamén sabemos que paga a pena empregar todas as nosas enerxías nel, e que non hai lugar para o desánimo. Como escribiu Bertolt Brecht, nos anos da longa noite de pedra que asolagaba Europa: «Quen aínda estea vivo non diga “xamais”. / De quen depende que siga a opresión? De nós. / De quen que remate? De nós tamén. / Pois os vencidos de hoxe son os vencedores de mañá / e o xamais convértese en hoxe mesmo.»
Todas as persoas que amamos o galego temos que erguer un pombal no noso interior, un pombal do que xurdan os voares de esperanza que encherán de vida os ceos da patria da lingua que nos une.
Máis información: http://www.queremosgalego.org/
14/05/12
Conversa co BNG en Couso
O BNG de Gondomar presenta o seu Consello Local en Couso
O BNG de Gondomar celebra este martes 15 de maio un encontro coas veciñas e os veciños de Couso para presentar o seu novo Consello Local.
Co título de Conversa co BNG, terá lugar este martes ás 20:30 horas, na Casa Veciñal de Couso, un encontro coa veciñanza desta parroquia para presentar o novo Consello Local do BNG de Gondomar, integrado por Álvaro Lores, responsábel local, Marta Dacosta, vicerrresponsábel local, Bieito A. Lobariñas, responsábel de organización e Ana Bringas, responsábel de finanzas.
O BNG de Gondomar convida a todas e a todos a que acudan a este encontro, no que o BNG quere ademais escoitar e recoller as preocupacións da veciñanza.
Éxito da convención nacional do BNG
Máis de 2.000 persoas fixeron pequeno o Palacio de Congresos esta mañá en Santiago de Compostela nunha Convención Nacional en que a militancia do BNG aclamou ao candidato á presidencia da Xunta, Francisco Jorquera.
A Convención, afirmou Jorquera na súa vibrante e emotiva intervención, relanza o proxecto do BNG "para liderar a alternativa ao PP". "Desta Convención sae un BNG plural e diverso, pero tamén máis forte e máis unido". Un BNG que, enfatizou, "vai ser o motor do cambio, un cambio que queremos construír co pobo, formando un bloque coa sociedade galega".
Jorquera fixo un discurso de goberno, esbozando as liñas básicas que despregaría un Goberno do Bloque Nacionalista Galego:
- Defensa, desenvolvemento e exercicio pleno das actuais competencias.
- Participación directa de Galiza en Europa en todos os asuntos que afecten as súas competencias ou intereses vitais.
- Supresión da Administración periférica do Estado, das delegacións e subdelegacións de Goberno, de xeito que a Administración galega actúe como a Administración única no seu territorio.
- Supresión das Deputacións provinciais.
- Reforma dos medios de comunicación públicos para que sexan verdadeiramente públicos e non gobernamentais.
- Creación dunha Banca Pública Galega.
- Substitución do actual sistema de financiamento por un modelo de concerto económico que asegure a plena autonomía fiscal de Galiza.
A Convención foi un grande éxito de asistencia e participación, e serviu para afortalar o BNG como o motor do cambio que Galiza precisa.
E nós estivemos aí!
13/05/12
O BNG defende o uso do galego no ámbito funerario
O PP vota contra a proposición de Lobeira de incorporar o galego ás cerimonias da morte
A dereita non apoia unha proposición non de lei presentada no Parlamento galego polo BNG para incorporar a lingua propia do país aos ritos relacionados cos falecementos
O BNG presentou unha proposición non de lei sobre a incorporación do galego nos actos, cerimonias e funcións vinculadas á morte. Por boca do deputado Bieito Lobeira, as e os nacionalistas defenderon que o proceso da morte representa "o mellor exemplo" da situación conflitiva en Galiza en relación co seu idioma propio, pois se unha persoa galegofalante finar, o seu certificado de defunción está escrito en español, a esquela e as necrolóxicas tamén, e o rito relixioso e a lápida tamén.
Durante o Goberno bipartito, a Secretaría Xeral de Política Lingüística programou un concurso de epitafios en lingua galega enmarcado na campaña En galego tes todo por dicir, para promover a lingua entre a mocidade e as novas tecnoloxías. Máis de 500 persoas fixeron as súas achegas a través da páxina web habilitada daquela para tal efecto, e nelas primaba o humor, a orixinalidade e unha peculiar visión da morte presente na tradición galega.
A idea de garantir unha morte 'en galego' volta a estar sobre a mesa. A respecto do acontecido no Parlamento, Lobeira sostén que "a diglosia política" que amosou o PP ao votar en contra da súa proposición "é análoga ao conflito lingüístico", e engadiu que "unha cousa é o idioma oral e outra moi diferente o oficial ou o do mundo dos ritos".
Na mesma comisión, o parlamentario nacionalista denunciou a imposibilidade de garantir un casamento en galego nun xulgado de Vigo, sendo necesaria a asistencia dun ou dunha intérprete. "Non é a primeira vez que a maxistrada se nega a usar a nosa lingua; é un despropósito, e unha evidencia da discriminación contra o idioma propio".
Fonte: http://www.sermosgaliza.com/artigo/lingua/o-pp-rexeita-unha-morte-en-galego/20120504181859000876.html
12/05/12
O BNG presenta a súa nova web
Unha nova web para un tempo de alternativas
A deputada do BNG e secretaria de comunicación da Executiva Nacional, Carme Adán, presentou hoxe en Santiago de Compostela a nova web do BNG.
Carme Adán salientou que “se trata dunha web moi visual coa que
queremos presentarnos diante da sociedade galega como unha organización
que leva moitos anos traballando por este país e todo gracias a moita
xente, que de xeito anónimo e desinteresado, foi construíndo esta
organización”.
Neste sentido, a web ten como cabezallo unha galería fotográfica na
que se recollen os distintos momentos nos que un grafiteiro debuxa nun
muro o logo do BNG. “Un logo grafiteado na rúa, onde está a xente, e coa
que está o compromiso do BNG”, subliñou.
Ademais, Carme Adán subliñou que “queremos tamén que sexa un portal de
encontro de debate de ideas, e nese sentido temos apartados de opinión”.
Tamén se recollen os documentos do BNG, como programas eleitorais,
teses..etc e inclúese un apartado para unirse ao BNG.
Nuns meses a nova web tamén estará disponíbel para as comarcas do BNG
e cidades e cara ao mes de setembro está prevista unha intranet, para
que as persoas que forman parte das diferentes comisións de traballo do
BNG poidan intercambiar información.
“Desexamos que con esta nova web se nos coñeza mellor, que as nosas
propostas sexan coñecidas en Internet e tamén para espallar as nosas
alternativas para saír da situación de crise actual”, concluíu Carme
Adán.
08/05/12
Convención nacional do BNG
En Bloque, podemos. En Galiza, hai alternativa!
O Bloque Nacionalista Galego vai celebrar unha Convención Nacional co obxectivo de presentar, diante das vindeiras Eleccións Galegas, os eixos principais das nosas alternativas políticas e a Candidatura do BNG á Presidencia da Xunta de Galiza.
A Convención terá lugar o domingo 13 de maio, ás 12 da mañá, no Palacio de Congresos de Santiago de Compostela (San Lázaro).
05/05/12
Non aos recortes no ensino público
O BNG vén de
participar na constitución da Plataforma
Galega en Defensa do Ensino Público,
integrada por distintas entidades
representativas da comunidade
educativa galega, para responder ás
medidas que o Partido Popular está a
impulsar contra este servizo público
esencial.
Neste enlace http://plataformagalegadefensaensinopublico.blogspot.com/
podes acceder a toda a información
sobre a Plataforma. En particular
pódense facer adhesións individuais e
colectivas á mesma, así como coñecer o
manifesto coas principais demandas.
O martes 8 de maio a Plataforma convoca mobilización en distintos puntos de Galiza:
- Santiago de Compostela: Praza do Toural, ás 19:30 horas.
- Ferrol: Diante do edificio administrativo da Xunta de Galiza, ás 19:30 horas.
- Ourense: Xefatura Territorial de Educación, Rúa Concello 11, ás 19:30 horas.
- Vigo: Rúa Príncipe, diante do MARCO, ás 19:30 horas.
- A Coruña: Praza de Pontevedra, ás 19:30 horas.
- Pontevedra: Praza da Peregrina, ás 19:30 horas.
- Lugo: Edificio Administrativo da Xunta de Galiza (Ronda da Muralla), ás 19:30 horas.
- A Guarda: Praza do Reloxo, diante da Casa do Concello, ás 19:30 horas.
- Verín: Praza do Concello, ás 19:30 horas.
- Vilagarcía de Arousa: Praza de Galiza, ás 19:30 horas.
- Foz: Praza de Galiza, ás 19:30 horas.
- Ribeira: diante do Concello, ás 20 horas.
Asiste!
actuemos!é tempo de respostas
Subscrever:
Mensagens (Atom)